நீங்கள் தேடியது "தேர்தல் ஆணையம்"

புதுடெல்லி:

மகாராஷ்டிரா மாநிலத்தில் உள்ள 288 தொகுதிகளுக்கு ஒரே கட்டமாகவும், ஜார்க்கண்ட் மாநிலத்தில் 38 தொகுதிகளுக்கு 2-ம் கட்ட தேர்தல் வாக்குப்பதிவு நடைபெற்றது.

மகாராஷ்டிராவில் பா.ஜ.க, சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்.பி.) ஆகிய எதிர்க்கட்சிகள் அடங்கிய மகாவிகாஸ் அகாடி கூட்டணியும் நேருக்கு நேர் மல்லுகட்டுகின்றன.

ஜார்க்கண்ட் மாநில சட்டசபைத் தேர்தல் இரு கட்டமாக நடைபெறும் என தேர்தல் ஆணையம் அறிவித்தது. அதன்படி 43 தொகுதிகளுக்கான முதல் கட்ட தேர்தல் கடந்த 13-ம் தேதி நடந்தது. மீதமுள்ள 38 தொகுதிகளுக்கும் 2-வது கட்ட வாக்குப்பதிவு நடைபெற்றது.

காலை 7 மணிக்கு தொடங்கிய வாக்குப் பதிவு மாலை 6 மணிக்கு நிறைவடைந்தது.

இந்நிலையில், ஜார்க்கண்டில் நடந்த 2வது கட்ட தேர்தலில் 68.01 சதவீதம் வாக்குகள் பதிவானது என்றும், மகாராஷ்டிராவில் நடந்த சட்டசபை தேர்தலில் 62.05 சதவீதம் வாக்குகள் பதிவானது என தேர்தல் ஆணையம் தெரிவித்துள்ளது.

மகாராஷ்டிரா, ஜார்க்கண்ட் மாநிலங்களில் சட்டமன்ற தேர்தல் நடைபெற்று வரும் நிலையில் பல்வேறு மாநிலங்களில் இடைத்தேர்தல்கள் நடைபெற்று வருகிறது.

உத்தரபிரதேச மாநிலத்தில் 9 தொகுதிகளுக்கான இடைத்தேர்தல் வாக்குப்பதிவு இன்று காலையில் இருந்து விறுவிறுப்பாக நடைபெற்று வருகிறது.

இந்நிலையில், உத்தரப் பிரதேச இடைத்தேர்தல் வாக்குப் பதிவில், இஸ்லாமிய வாக்காளர்களை போலீசார் வாக்களிக்க விட மறுப்பதாக உத்தரபிரதேச எதிர்க்கட்சி தலைவர் அகிலேஷ் யாதவ் தனது எக்ஸ் பக்கத்தில் வீடியோ வெளியிட்டு புகார் அளித்தார்.

முஸ்லிம் பெண்களிடம் புர்காவை கழற்ற கூறியும் முஸ்லிம் ஆண்களிடம் தேவையின்றி ஆதார் அட்டை மற்றும் வாக்காளர் அடையாள அட்டைகளை போலீசார் கேட்கும் வீடியோ இணையத்தில் வேகமாக பரவி வந்தது.

இதனையடுத்து, முஸ்லிம் மக்களை வாக்களிக்க விடாமல் தடுத்த 7 காவலர்களை சஸ்பெண்ட் செய்ய தேர்தல் ஆணையம் உத்தரவிட்டுள்ளது.

ஜார்க்கண்ட் மாநிலத்தில் 2-வது கட்ட தேர்தல் வாக்குப்பதிவு நாளை நடைபெறவுள்ளது. முதற்கட்ட வாக்குப்பதிவு நவம்பர் 13 அன்று நடைபெற்றது.

இந்நிலையில் ஜார்க்கண்ட் சட்டமன்ற தேர்தலை ஒட்டி பாஜக வெளியிட்ட விளம்பர வீடியோ ஒன்று பெரும் சர்ச்சையை ஏற்படுத்தியுள்ளது.

ஜார்க்கண்டில் ஹேமந்த் சோரன் ஆட்சி காலத்தில் இந்து குடும்பத்தின் வீட்டிற்குள் கும்பலாக நுழையும் முஸ்லிம் மக்கள் அந்த வீட்டை ஆக்கிரமிப்பு செய்வது போல பாஜகவின் இந்த விளம்பர வீடியோவில் காட்சிப்படுத்தப்பட்டுள்ளது.

அதாவது ஜார்க்கண்ட் மாநிலத்தில் முஸ்லிம் மக்கள் சட்டவிரோதமாக ஊடுருவி இந்துக்களுக்கு ஆபத்து விளைவிக்கிறார்கள் என்ற பாஜகவின் வெறுப்பு பிரசாரத்தின் ஒரு பகுதியாக இந்த விளம்பர வீடியோ வெளியிடப்பட்டுள்ளது.

பாஜகவின் இந்த விளம்பர காணொளிக்கு ஜம்மு காஷ்மீரின் முன்னாள் முதல்வர் மெகபூபா முப்தி எதிர்ப்பு தெரிவித்தார்.

பாஜகவின் இந்த விளம்பர வீடியோ தொடர்பாக தேர்தல் ஆணையத்திடம் ஜார்க்கண்ட் முக்தி மோர்ச்சா சார்பில் புகார் அளிக்கப்பட்டது.

இதனையடுத்து, தேர்தல் விதிமுறைகளை மீறி முஸ்லிம் மக்களை தவறாக சித்தரிக்கும் வகையில் சமூக வலைத்தளத்தில் பாஜக வெளியிட்ட தேர்தல் பரப்புரை விளம்பரத்தை நீக்கக் கோரி இந்திய தேர்தல் ஆணையம் உத்தரவு பிறப்பித்துள்ளது.

288 சட்டமன்றத் தொகுதிகளை கொண்ட மகாராஷ்டிராவுக்கு வரும் நவம்பர் 20 ஆம் தேதி தேர்தல் நடைபெற உள்ளது. காங்கிரசின் மகா விகாஸ் அகாதி கூட்டணியும் பாஜவின் மாகாயுதி கூட்டணியில் பிரசாரத்தை தீவிரப்படுத்தி வருகின்றன. அந்த வகையில் மக்களவை எதிர்க்கட்சி தலைவர் ராகுல் காந்தி மகாராஷ்டிராவில் பிரசாரம் செய்தார்.

இந்நிலையில் ராகுல் காந்தி பொய்களை கூறிவருவதாகவும் அவர் மீது நடவடிக்கை எடுக்க வேண்டும் என்றும் பாஜக தேர்தல் ஆணையத்தில் புகார் அளித்துள்ளது.

இதுதொடர்பாக மத்திய சட்டத்துறை அமைச்சர் அர்ஜுன் ராம் மேக்வால் தலைமையிலான பாஜக குழு உயர் மட்ட தேர்தல் ஆணைய அதிகாரிகளை நேரில் சென்று சந்தித்து புகார் மனுவை சமர்ப்பித்துள்ளது.

அந்த மனுவில், ராகுல் காந்தி தேர்தல் ஆணைய நடத்தை விதிகளை மீறி பொய்களை பரப்பி வருகிறார். மகாராஷ்டிரா மற்றும் மாநிலங்களிடையே விரோதத்தை வளர்த்து இந்திய ஒன்றியத்துக்கு ஆபத்து ஏற்படுத்துகிறார்.

தேர்தல் வெற்றிக்காக பாஜக மீது ஆதாரமற்ற குற்றச்சாட்டுகளை கூறி வருகிறார். எனவே அவர் மீது நடவடிக்கை எடுக்க வேண்டும் என்று தெரிவிக்கப்பட்டுள்ளது.

'மகாராஷ்டிராவின் தொழில் முதலிய வளர்ச்சி வாய்ப்புகள் மற்ற மாநிலங்களுக்கு திருப்பி விடப்படுகிறது. மகாராஷ்டிராவின் பணத்தில் ஆப்பிள் ஐபோன் உற்பத்தி மற்றும் போயிங் விமானங்கள் உற்பத்தி மற்ற மாநிலங்களில் நடந்து வருகிறது' என்ற ராகுல் காந்தியின் பேச்சு மகாராஷ்டிர இளைஞர்களை தவறான வழியில் வழிநடத்துகிறது.

மகாராஷ்டிராவுக்கு 2024- 25 நிதியாண்டில் ஏப்ரல் முதல் ஜூன் வரையிலான காலகட்டத்தில் ரூ. 70,795 கோடி அந்நிய நேரடி முதலீடு ஈர்க்கப்பட்டுள்ளது என்று பாஜக தரப்பு கூறுகிறது.

முன்னதாக நாட்டிலேயே முதல் தனியார் ராணுவ விமான உற்பத்தி ஆலை சமீபத்தில் குஜராத் மாநிலம் வதோதராவில் பிரதமர் மோடியால் திறந்து வைக்கப்பட்டது. இந்த ஆலையை டாடா நிறுவனம் மகாராஷ்டிராவில் திறக்க திட்டமிட்டிருந்த நிலையில் அரசியல் லாபத்துக்காக மோடி அரசு அதை குஜராத்துக்கு திருப்பி விட்டதாக மாகா. எதிர்க்கட்சிகள் குற்றம்சாட்டியது குறிப்பிடத்தக்கது 

மகாராஷ்டிராவின் யவத்மாலில் ஹெலிகாப்டரில் தரை இறங்கிய சிவசேனா (உத்தவ் தாக்ரே) தலைவர் உத்தவ் தாக்கரேவின் பைகளை தேர்தல் ஆணைய அதிகாரிகள் சோதனை செய்தனர்.

இதனால் கோபமடைந்த உத்தவ் தாக்கரே பிரதமர் மோடி, அமித் ஷா தேவேந்திர ஃபட்னாவிஸ், அஜித் பவார் மற்றும் ஏக்நாத் ஷிண்டே ஆகியோரது பைகளை நீங்கள் சோதனை செய்வீர்களா? என்று காட்டமாக தெரிவித்தார்.

உத்தவ் தாக்கரே பைகளை தேர்தல் ஆணைய அதிகாரிகள் சோதனை செய்யும் வீடியோ இணையத்தில் பரவியது.

இதனையடுத்து தேர்தல் பொதுக்கூட்டத்தில் பேசிய உத்தவ் தாக்கரே, "தேர்தல் ஆணையத்தின் மீது கோபமில்லை. அவர்கள் தங்கள் வேலையைச் செய்கிறார்கள். ஆனால் அவர்கள் பிரதமர் மோடி மற்றும் அமித் ஷாவின் பைகளை சோதனை செய்வார்களா என்று கேட்கிறேன். ஏக்நாத் ஷிண்டே, அஜித் பவார் மற்றும் தேவேந்திர ஃபட்னாவிஸ் ஆகியோரின் பைகளை தேர்தல் ஆணையம் சோதனை செய்யுமா?" என்று பேசினார்.

அரியானா சட்டசபை தேர்தலில் ஓட்டு எண்ணிக்கையில் முறைகேடு நடந்திருப்பதாக தேர்தல் ஆணையத்துக்கு காங்கிரஸ் கட்சி கடிதம் எழுதியது . இதை விசாரித்த தேர்தல் ஆணையம், காங்கிரஸ் அளித்த புகாரை நிராகரித்தது. மேலும், ஆணையம் மீது அடிப்படை ஆதாரமற்ற குற்றச்சாட்டுகளை கூறுவதை தவிர்க்க வேண்டும். முக்கியத்துவம் வாய்ந்த ஓட்டு எண்ணிக்கை நடைமுறை மீது பொறுப்பற்ற குற்றச்சாட்டுகளை கூறுவதால், குழப்பமும், பொது அமைதியின்மையும் ஏற்படும் என்று தேர்தல் ஆணையம் கூறியிருந்தது.

இந்த நிலையில், தேர்தல் ஆணையத்திற்கு பதில் கடிதம் ஒன்றை காங்கிரஸ் கட்சி அனுப்பியுள்ளது. கட்சியின் மூத்த தலைவர்களான கே.சி.வேணுகோபால், அசோக் கெலாட், அஜய் மக்கான் உள்ளிட்ட 9 தலைவர்கள் கையெழுத்திட்டுள்ள அந்தக்கடிதத்தில் கூறப்பட்டுள்ளதாவது: -

குறிப்பிட்ட பிரச்னைகளுக்கு மட்டுமே தேர்தல் ஆணையத்திற்கு கடிதம் எழுதினோம். தேர்தல் ஆணையம் மற்றும் ஆணையர்களை மதிக்கிறோம். ஆனால், தேர்தல் ஆணையம் எங்களுக்கு அளிக்கும் பதில்கள் தாழ்ந்த தொனியில் உள்ளது.

தேர்தல் ஆணையம் தனக்கு தானே நற்சான்றிதழ் அளித்தது ஆச்சரியம் அளிக்கவில்லை. ஆனால் தேர்தல் ஆணையம் அளித்த பதிலில் உள்ள தொனியை எளிதாக எடுத்து கொள்ள மாட்டோம். அது எங்களின் தலைவர்களை விமர்சிப்பதுபோல் உள்ளது. மோசமான தொனியில் உள்ளது. முடிவு எடுக்க வேண்டிய இடத்தில் உள்ளவர்கள். எந்த விமர்சனத்தையும் செய்யக்கூடாது. கட்சியை தாக்கக்கூடாது. ஆனால், தேர்தல் ஆணையத்தின் இதுபோன்ற கருத்துகளை நீக்குவதற்கு சட்ட ரீதியிலான நடவடிக்கையை எடுப்பதைத் தவிர வேறு வழியில்லை" என்று கூறியுள்ளனர்.

புதுடெல்லி:

அரியானா சட்டசபை தேர்தலில் பாஜக தனிப்பெரும்பான்மையுடன் ஆட்சியை கைப்பற்றியது. இதனால் ஏமாற்றம் அடைந்த காங்கிரஸ் தலைவர்கள், ஓட்டு எண்ணிக்கையில் முறைகேடு நடந்திருப்பதாக தேர்தல் ஆணையத்துக்கு புகார் அனுப்பினர்.

இதை விசாரித்த தேர்தல் ஆணையம், காங்கிரஸ் அளித்த புகாரை நிராகரித்துள்ளது. இது தொடர்பாக, காங்கிரஸ் கட்சிக்கு தேர்தல் ஆணையம் அனுப்பியுள்ள பதிலில், தன் கடுமையான கண்டனத்தை தேர்தல் ஆணையம் பதிவு செய்துள்ளது. அடிப்படை ஆதாரமற்ற குற்றச்சாட்டுகளை கூறுவதை தவிர்க்க வேண்டும். முக்கியத்துவம் வாய்ந்த ஓட்டு எண்ணிக்கை நடைமுறை மீது பொறுப்பற்ற குற்றச்சாட்டுகளை கூறுவதால், குழப்பமும், பொது அமைதியின்மையும் ஏற்படும் என்று கூறியுள்ளது.

சென்னை:

தமிழக வெற்றிக் கழகத்தின் முதல் மாநாடு நாளை மறுநாள் மாலை விழுப்புரம் மாவட்டம் விக்கிரவாண்டியை அடுத்த வி.சாலை பகுதியில் நடைபெற உள்ளது. இதற்காக கடந்த 2 வாரங்களுக்கும் மேலாக மாநாட்டு பணிகள் நடைபெற்று வருகின்றன. அந்தப் பணிகள் இறுதிக்கட்டத்தை எட்டியுள்ளது.

மாநாட்டு திடலில் கிழக்கு திசை நோக்கியவாறு 60 அடி அகலத்திலும், 170 அடி நீளத்திலும், 30 அடி உயரத்திலும் மாநாட்டு மேடை பிரமாண்டமாக அமைக்கப்பட்டுள்ளது.

கட்சியின் கொள்கை குறித்தும், தான் அறிமுகப்படுத்திய மஞ்சள், சிவப்பு நிறத்துடன் நட்சத்திரங்கள், யானை குறியீடுடன் கூடிய கொடி குறித்த விளக்கத்தையும் இந்த மாநாட்டில் விஜய் பேச உள்ளதால் பரபரப்பும், எதிர்பார்ப்பும் கூடியுள்ளது.

இதற்கிடையே, விஜய் கட்சி நிர்வாகிகளும், பொதுமக்களை மாநாட்டுக்கு வரும்படி கேட்டுக் கொண்டு வருகிறார்கள். விழுப்புரம் மக்களுக்கு நேரில் சென்று அழைப்பு விடுத்து வருகிறார்கள். இதனால் விக்கிரவாண்டி முழுவதும் விழாக்கோலம் பூண்டுள்ளது.

இந்நிலையில், விஜய் ரசிகர்களுக்கும் தொண்டர்களுக்கும் இன்ப அதிர்ச்சி அளிக்கும் வகையில் தேர்தல் ஆணையம் ஒரு தகவலை வெளியிட்டுள்ளது. அதில், பதிவு செய்யப்பட்ட கட்சிகளின் பட்டியலில் நடிகர் விஜய் தொடங்கிய தமிழக வெற்றிக் கழகம் இடம் பெற்றுள்ளது.

மக்களவைத் தேர்தலுக்கு பின் புதிதாகப் பதிவுசெய்த 39 கட்சிகளின் பட்டியலை தேர்தல் ஆணையம் வெளியிட்டது. கிழக்கு கடற்கரை சாலை, பனையூர் முகவரியில் த.வெ.க. பதிவுசெய்யப்பட்டு உள்ளதாக தகவல் வெளியாகியது.

மகாராஷ்டிரா மற்றும் ஜார்க்கண்ட் மாநில சட்டசபைத் தேர்தலுக்கான தேதிகளை தேர்தல் ஆணையம் இன்று அறிவித்துள்ளது.

மொத்தம் 288 தொகுதிகளை கொண்ட மகாராஷ்டிரா சட்டசபை பதவிக்காலம் நவம்பர் மாதம் 26-ந்தேதி முடிவடைகிறது. இந்நிலையில், மகாராஷ்டிராவில் நவம்பர் 20-ம் தேதி நடைபெறும் என தெரிவித்துள்ளது.

மகாராஷ்டிரா தேர்தலில் பதிவான வாக்குகள் நவம்பர் 23ம் தேதி எண்ணப்பட உள்ளன.

மகாராஷ்டிராவில் ஏக்நாத் ஷிண்டே தலைமையிலான சிவசேனா, பாரதிய ஜனதா, அஜித்பவார் கூட்டணி ஆட்சி நடைபெற்று வருகிறது.

உத்தவ் தாக்கரே தலையிலான சிவசேனா, காங்கிரஸ் மற்றும் சரத் பவார் தலைமையிலான தேசியவாத காங்கிரஸ் கட்சிகள் கூட்டணி அமைத்து தேர்தலை சந்திக்கவுள்ளன.

இந்நிலையில், சட்டசபை தேர்தல் தேதியை தாமதமாக வெளியிட்டு ஆளும் பாஜக கூட்டணி அரசிற்கு தேர்தல் ஆணையம் உதவி செய்துள்ளதாக எதிர்க்கட்சிகள் குற்றம் சாட்டியுள்ளன.

இது தொடர்பாக பேசிய காங்கிரஸ் தலைவர் விஜய் வடேட்டிவார், "அரசியல் கட்சிகள் தங்கள் வேட்பாளர்களை இறுதி செய்வதற்கும், வேட்புமனு தாக்கல் செய்வதற்கும், தேர்தல் பிரச்சாரத்துக்கும் குறைந்தபட்சம் 40 நாட்களுக்கு முன்பாகவே தேர்தல் ஆணையம் தேர்தல் தேதியை அறிவிக்கும். ஆனால் மகாராஷ்டிராவில் தேர்தல் நடைபெற இன்னும் 35 நாட்களே உள்ளன. இது வழக்கத்திற்கு மாறானது மற்றும் தேர்தல் பிரசாரம் செய்ய எங்களுக்கு குறைவான நாட்களே உள்ளது.

தேர்தல் தேதி தாமதமாக அறிவிக்கப்பட்டதால் அந்த இடைப்பட்ட காலத்தில் பாஜக கூட்டணி அரசாங்கம் பலவேறு திட்டங்களை அறிவித்து அரசு கஜானாவை காலி செய்து விட்டது" என்று தெரிவித்தார்.

மகாராஷ்டிரா தேர்தல் தொடர்பாக பேசிய தேசியவாத காங்கிரஸ் கட்சியின் (சரத்சந்திர பவார்) மாநிலத் தலைவர் ஜெயந்த் பாட்டீல், "மகாராஷ்டிராவில் மக்களவை தேர்தலை 5 கட்டங்களாக தேர்தல் ஆணையம் நடத்தியது. ஆனால் தற்போது ஒரே கட்டமாக சட்டசபைக்கு தேர்தல் நடத்த முடிவு செய்துள்ளது. மகாராஷ்டிராவில் பாஜக கூட்டணி அரசு தோல்வியடையும்.

சட்டசபை தேர்தல் குறித்த அறிவிப்பு முன்னதாகவே வெளியிடப்பட்டிருக்க வேண்டும். ஆனால் பல நலத்திட்டங்களை அறிவிக்க மாநில அரசுக்கு போதுமான கால அவகாசத்தை தேர்தல் ஆணையம் வழங்கியுள்ளது" என்று தெரிவித்தார்.

மகாராஷ்டிரா தேர்தல் தொடர்பாக சிவசேனா (உத்தவ் தாக்கரே) தலைவர் சஞ்சய் ராவத் கூறுகையில், "மக்களவை தேர்தலுடன் ஒப்பிடும்போது, இந்தியா கூட்டணியில் அங்கம் வகிக்கும் சிவசேனாவின் செயல்பாடு சிறப்பாக இருக்கும். மின்னணு வாக்குப்பதிவு இயந்திரங்கள் தவறாகப் பயன்படுத்தப்படுவது குறித்து பல எதிர்க்கட்சிகள் எழுப்பிய கேள்விகளுக்கு தேர்தல் ஆணைய அதிகாரிகள் சரியாக பதிலளிக்கவில்லை" என்று தெரிவித்தார்.

அரியானா மற்றும் ஜம்மு காஷ்மீருக்கான சட்டமன்றத் தேர்தல் நடந்து முடிந்துள்ள நிலையில் மகாராஷ்டிரா, ஜார்க்கண்ட் சட்டமன்றத் தேர்தல்களை நடந்த தேர்தல் ஆணையம் தயாராகி வருகிறது. 288 தொகுதிகளை கொண்ட மகாராஷ்டிரா சட்டசபை பதவிக்காலம் நவம்பர் மாதம் 26-ந்தேதி முடிவடைகிறது.

81 இடங்களை கொண்ட ஜார்க்கண்ட் சட்டசபையின் பதவிகாலம் ஜனவரி 5-ந்தேதி முடிவடைகிறது. இந்நிலையில் பண்டிகை காலத்துக்கு பின்னர் தேர்தலை நடந்த திட்டமிட்டுள்ளதாக கூறப்படுகிறது. இந்நிலையில் இன்று பிற்பகல் 3.30 மணிக்கு மகாராஷ்டிரா, ஜார்க்கண்ட் சட்டப்பேரவை தேர்தல் அட்டவணையைதேர்தல் ஆணையம் வெளியிட உள்ளது வெளியிடுகிறது

மகாராஷ்டிராவில் ஏக்நாத் ஷிண்டே தலைமையிலான சிவசேனா பாரதிய ஜனதா, அஜித்பவார் கூட்டணி ஆட்சியும் ஜார்க்கண்டில் ஹேமந்த் சோரன் தலைமையில் ஜார்க்கண்ட் முக்தி மோர்சா கட்சி ஆட்சியும் நடைபெற்று வருகின்றன.

அரியானா சட்டசபை தேர்தலில் மிகவும் எதிர்பார்க்கப்பட்டது. காங்கிரஸ் கட்சி தோல்வியை தழுவியது. மொத்தம் உள்ள 90 இடங்களில் அந்த கட்சிக்கு 37 தொகுதிகள் கிடைத்தன.

பா.ஜ.க. 48 இடத்தில் வெற்றி பெற்று தொடர்ந்து 3-வது முறையாக ஆட்சியை பிடித்தது.

அரியானா தேர்தல் வாக்குப்பதிவு எந்திரம் பேட்டரியில் உள்ள முரண்பாடுகள் குறித்து காங்கிரஸ் கட்சி ஏற்கனவே குற்றம் சாட்டி இருந்தது.

இந்த நிலையில் இந்த முரண்பாடுகள் குறித்து காங்கிரஸ் கட்சி தேர்தல் ஆணையத்திடம் எழுத்துப் பூர்வமாக புகார் அளித்துள்ளது. அரியானா தேர்தலில் போட்டியிட்ட 20 தொகுதி காங்கிரஸ் வேட்பாளர்கள் இந்த புகார் மனுவை அளித்துள்ளனர்.

சில இ.வி.எம். எந்திரங்களில் 99 சதவீத பேட்டரி சார்ஜ் இருந்தது. சில வாக்குப்பதிவு எந்திரத்தில் 60 முதல் 70 சதவீத பேட்டரி சார்ஜ் இருந்தது. இது எதிர்பாராத ஒன்று என்று காங்கிரஸ் தனது மனுவில் குற்றம் சாட்டியது. வாக்குப்பதிவு எந்திர பேட்டரியில் உள்ள முரண்பாடுகளை சுட்டிக் காட்டியது.

இந்த புகார் குறித்து அனைத்துக்கும் விரிவான பதில் அளிப்பதாக தேர்தல் ஆணையம் உறுதி அளித்துள்ளதாக காங்கிரஸ் தரப்பில் தெரிவிக்கப்பட்டு உள்ளது.

அரியானா மாநிலம் சிர்சாவில் தேரா சச்சா சவுதா ஆசிரமம் உள்ளது. இதன் தலைவர் குர்மீத் ராம் ரஹீம், பெண் துறவிகள் 2 பேரை பலாத்காரம் செய்த வழக்கில் 20 ஆண்டுகள் சிறைத் தண்டனை பெற்று சிறையில் அடைக்கப்பட்டார் . இந்நிலையில் கடந்த ஆகஸ்ட் 13 அன்று 21 நாள் பரோலில் தனது பிறந்தநாள் கொண்டாட்டங்களைக் காரணம் காட்டி வெளியே வந்த ராம் ரஹீம் மீண்டும் 20 நாள் பரோல் நீட்டிப்பு கோரி மீண்டும் விண்ணப்பித்திருந்தார்.

அரியானா, பஞ்சாப், உத்தரப் பிரதேசம் என பல்வேறு மாநிலங்களில் தனக்கென அதிக பக்தர்களை உருவாக்கி வைத்துள்ள குர்மீத் பரோலில் வெளிவரும் காலகட்டங்கள் சரியாக உள்ளூர் அல்லது மாநில தேர்தல் சமயங்களாகவே இருந்துள்ளது. வரும் அக்டோபர் 5 ஆம் தேதி அரியானா தேர்தல் நடக்க உள்ள நிலையில் ராம் ரஹீமின் பரோல் நீட்டிப்பு கோரிக்கை அரசியல் ரீதியாக விமர்சனங்களை ஏற்படுத்தியது.

ராம் ரஹீமின் தற்போதைய பரோல் நீட்டிப்பு கோரிக்கை மனுவை ஹரியானா அரசு தேர்தல் ஆணையத்தின் பரிசீலனைக்கு அனுப்பியது. இந்நிலையில் தேர்தல் ஆணையத்தின் பரிசீலனைக்குப் பின் ராம் ரஹீமுக்கு 20 நாள் பரோல் விடுப்பு வழங்கப்பட்டுள்ளது.

இதற்கிடையே ராம் ரஹீமிற்கு அரசியல் உள்நோக்கத்துடன் பரோல் வழங்கப்பட்டுள்ளதாகவும் , இதன் பின்னணியில் பாஜக உள்ளதாகவும் காங்கிரஸ் குற்றம்சாட்டியுள்ளது. ஆனால் கடும் நிபந்தனைகளுடனேயே பரோல் வழங்கியுள்ளதாகத் தேர்தல் ஆணையம் சார்பில் விளக்கம் அளிக்கப்பட்டுள்ளது.

அவரின் 20 ஆண்டுகள் தண்டனைக் காலத்தில் கடந்த 4 ஆண்டுகளில் 15வது முறையாக தற்போது பரோல் வழங்கப்பட்டுள்ளது. இதன்படி தனது தண்டனைக்கிடையில் 255 நாட்கள் பரோல் விடுப்பில் சுதந்திரமாக வெளியே இருந்துள்ளார் சாமியார் ராம் ரஹீம்.